‘Ҳижрон ҳоким бу дунё асли бир кам яралган…’ January 3, 2008
Posted by ayollar in Aralash Mavzular, San'at va Tarih, Yulduzlar Hayotidan.2 comments
Уйимизда дадам ўқитувчи бўлсалар хам,мактабга илк борган пайтларим синф раҳбаримизни ҳеч качон овкат емайди,у бошқача одам деб ўйлардим.Кейинрок у ҳаммага ўхшаган оддий одамлигини билиб бола қалбим билан чинакамига хафа бўлганман…Якинда ана ўша бола тасаввурим беихтиёр ёдимга тушди.Интернетда кўрганим бир лавҳа сабаб.”Ҳижрон ҳоким бу дунё асли бир кам яралган.Наҳот бу муҳаббатга минг бир ҳакам яралган.Бахт ярим,қайғу ярим.Айт, не бекам яралган…”Катта санъат,катта дард билан айтилган бу қўшиқни ҳар гал эшитганимда ўша санъткорнинг мавкеи кўз ўнгимда яна бир погона ўсгандек унга ҳурматим ошарди.Тўсатдан,ана шу сеҳрли қўшиқ ижрочиси Шерали Жураевдек катта санъаткорнинг бир тўй саҳнасида туриб ёшгина,эндигина мухлислар орттириб ,санъатга катта умидлар билан кириб келаётган йигитнинг шаънига жуда оғир гапларни айтиши менинг барча тасаввурларимни тўзғитиб юборди.Наҳотки,у айтган айбловлар рост бўлган тақдирда хам,шу кадар аёвсизлик билан халқнинг ўртасида муҳокама килинса.”Бахт ярим,кайгу ярим,айт не бекам яралган.Наҳотки ,эзгуликнинг кўзлари нам яралган…”Бу қадим дуненинг азалий саволларига ўз кўшикларида жавоб ахтарган инсон наҳотки ҳаётда одамларнинг қалбига йўлни тополмаса.Ўқиганларим,эшитганларим таъсирида Шерали Жураевнинг қаҳрига сабаб бўлган йигитнинг қўшиқларини қидириб топдим.Ватандан узоқдалигим сабаб уни аввал эшитмаган эдим.Эшитдиму бирозгина олдин йўқотиб қўйган нарсаларимни гўёки топдим.Унинг “Адашдим” қўшиғи ўша машҳур “Яралган”нинг руҳига жуда яқин эди.Балки менга шундай туюлгандир…
ЮЛДУЗ
Беқасам тўнлар кийиб… February 5, 2007
Posted by ayollar in Yulduzlar Hayotidan.1 comment so far
Севимли хонандамиз Севара Назархон ижросида…
Жасмин ва Замонавий Отелло July 15, 2006
Posted by ayollar in Yulduzlar Hayotidan.add a comment
Машхур булишнинг хам узига яраша мушкулликлари мавжуд. Айникса, шоу бизнез юлдузи булиш анча кийин куринади. 29 ёшли Жасмин эри Вячеслав Семендуев билан утган 10 йиллик оилавий хаётини жаханнамга тенглаштирмокда. Хонанданинг матбуотга билдиришича, уни эри ун йил давомида хам дуппослаб келган. Бу рашк туфайли булганлиги айтилмокда. Жасмин буни оммага ошкор килишни хохламаган. Догистонлик яхудий кизи Сара Львовна (Жасмин) эрининг азобларига чидашда узбек аёлларидан колишмас экан. Бирок сунгги калтаклаш хонанданинг сабр косанинг тулишига сабаб булган. Эстрада
юлдузининг Краснодардаги концертидан сунг уни эри урганини курган гувохлар хам топилган. Калтаклаш мехмонхонада давом этган. Кейин Москвада Семендуевлар уйидаги холатни эса янада аянчли дейиш мумкин. Жасминни эри уни икки кун давомида уйдан чикармаган, уяли телефонини тортиб олган ва тухтовсиз калтаклаган. Бунга замонавий Отеллонинг рашки сабабмикин? Сунгги маълумотларга кура, В. Семендуев хотинини калтаклаш холатини тухмат деб бахоламокда.
Жасминнинг калтакланиши… July 13, 2006
Posted by ayollar in Yulduzlar Hayotidan.2 comments
Россия эстрада юлдузларидан бири Жасмин Москвадаги шифохоналардан бирида оғир аҳволда ётибди. Маълумотларга кўра, унинг юзига жиддий зиён етган, баданида кўплаб лат еган жойлари бор. Шунингдек, Жасминга мия чайқалиши ташхиси куйилган. Жасмин (асли исми Сара Семендуева) эри Вячеслав Семендуев томонидан икки кун давомида калтакланганлигини билдирган. Маълумки, Жасмин Россия шоу бизнесида эри кўмагида пайдо булган. “Эльдорадо” номли бир қатор супермаркет ва ресторанлар хўжайини 46 ёшли Вячеслав Семендуев Жасминнинг хомийси хисобланади. Россия шоу бизнесида оилавий жанжаллар тез-тез кузатиладиган холат. Таниқли хонанда Валерия (Алла Перфильева) уч нафар боласининг отаси продюсер Александр Шульгин томонидан узок йиллар давомида калтакланган. Кристина Орбакайте билан Руслан Байсаров можароси хам кўпчиликка маълум. Оилавий жанжал натижасида Кристина хатто бурнини жаррохлик операцияси қилдиришга мажбур бўлганди. Айни пайтда Жасминнинг калтакланиши юзасидан жиноий иш очилган бўлиб, тергов ишлари олиб борилмокда. Хонанданинг эри В.Семендуев “Жасмин ўзини ўзи калтаклаган”.- деган фикрни ҳам билдирган. Хммм… Жасмин калтакланишининг бошқа оддий аёл калтакланишидан фарқи шундаки, оддий аёл милицияга бормайди эрхотин ўртасида бўлганини бекитишга уринади, ўз ўзини химоя қилишга ҳам уринмайди… Воқеа тафсилотлари билан танишишни хоҳласангиз саҳифаларимизни кузатиб боринг.
Эркак кишининг кечирим сўраши… July 13, 2006
Posted by ayollar in Yulduzlar Hayotidan.1 comment so far
Бу саҳифани футбол ишқибозлари сахифасига айлантириш ниятимиз йўқ бўлмаса ҳам, олдинги мавзуга қўшимча бир маълумот киритмоқчиман: кеча Зидан телевизор орқали калла қўйгани учун кечирим сўради. “Қилган ишим қабул бўлиб бўлмайдиган нарса эди, ўйинни уч миллиард инсон томоша қилаётган эди, орасида миллионлаб ёш болалар ҳам бор эди. Улар олдида ҳамда уларга тўғри тарбия бериш учун маъсул одамлар олдида кечирим сўрайман” деди Франция футбол юлдузи. Лекин кейин “Барибир қилганимдан афсусланмайман” деб қўшиб қўйди. унинг айтишича, италиялик ўйинчи унинг касалхонада ётган онаси билан синглисини хакорат қилган эмиш… “Эркак аччиқ сўздан кўра зарбага чидай олади, бундай сўзларга жавоб беришим керак эди” деди Зидан. Қизиқ, йилига ўн беш миллион долларлик маош оладиган юқори даражалик профессионал футболист нима бўлмасин ўз жаҳлини тийишни ўрганиши керак эмасмикан? Бўлмаган тарзда ўйиннинг тугашигача кутиб кейин бориб италияликнинг адабини бермайдими? …Шоира
Зиданнинг калла қўйиши… July 10, 2006
Posted by ayollar in Yulduzlar Hayotidan.add a comment
Кечаги матчни биз Франция командаси ютишини истаб томоша қилдик. Франция ўйинчилари ҳақиқатдан жуда яхши ўйнадилар, айниқса ўйиннинг иккинчи қисмида италияликларга франсизларнинг такрор такрор хужумларидан қийин бўлди. Ўйин тугашига бир неча дақиқа қолганида Франциянинг миллий қаҳрамони бўлмиш футболчи Зайниддин Зидан тўсатдан бор кучи билан Италиянинг химоячиси Марко Маттерацига калла қўйди. Оқибатда Зиданга қизил карточка берилди, уни ўйиндан четлатишди, Франция эса пеналтиларда Италияга ютказди. Бўлган воқеяни Зидан ўзига сира кечира олмаса керак. Аҳир кечаги ўйин унинг энг охирги халқаро ўйини эди. 1998 йил жахон кубогини Франция ютишига сабабчиларидан бири бўлган Зидан бу йилги кубокдан кейин “катта” футболдан кетишга қарор қилган эди. Франциядаги ишқибозлари эса - бир хафтадан бери “Зидан” деган футболкаларни кийиб юрган 5-6 ёшлик болалардан тортиб 80 ёшлик нафақадорларгача - миллионлаб одамларнинг ҳафсаласи пир бўлганичи? Ким билади, Зидан ғазаби устидан назорат йўқотиб қўймаганида пеналтиларда Италия юта олмасмиди? Бошқалар “Маттераци Зиданга қандай хакорат айтган бўлиши мумкин?” деган савол устидан бошларини қотиришаяпти. Франциянинг яна бир ўйинчиси Уиллиям Галласнинг айтишича, бир пайтлари футболчилар нафақат тўп орқали ютишга харақат қилишади, иғвогарлик қилиб хакорат ҳам қилишлари мумкин. “Зиданга ҳам қандайдир у қабул қила олмайдиган гап айтилган” деди Галлас… Нима бўлмасин Зидан ўз қилмишидан жуда хафа… Ҳалқимизда “Жаҳл - душман, ақл - дўст” деб тўғри айтишар экан…
“Маҳаллада дув-дув гап”, ёки тўйларимиз ҳақида June 24, 2006
Posted by ayollar in Oila va Turmush Tarzi, Yulduzlar Hayotidan.2 comments
Эшитдингизми, машҳур актриса Никол Кидман турмушга чиқаётганмиш. Кимга, йўқ, янами дейсизми? Ҳа ва бу сафар Кэс Урбан деган қўшиқчига экан. Ўтган ой унаштирилганларини халққа маълум қилишганди. Бу 38 ёшли Урбаннинг биринчи уйланишику, аммо 39 ёшли Никол бундан аввал машҳур актёр Том Круз билан турмуш қурганди. Орада у бўлди, бу бўлди, ишқилиб, ўн йилдан ортиқ давом этган турмушларига нуқта қўйилганди. Аммо, уларнинг биргаликда асраб олган икки фарзандлари ҳам бор: Коннор ва Эзабелла…Болаларнинг ҳар иккаласи ҳам тўйда иштирок этиш учун Австралияга келишибди. Энди келин-куёв “дўстлар ва оила аъзолари иштирокидаги оддий тўй” бўлиши ҳақида айтишган эса-да, унинг довруғи мағрубу-машриққа кетса керак! Бу ҳақда ҳали замон эшитасиз, чунки машҳурлару-бойларнинг тўйлари доимо тилларда достон бўлади-да! Аммо, бунақа “маҳаллада дув-дув гап бўладиган” тўйларни қилишни ким истамайди дейсиз! Дабдабали тўй-хурсандчилик қилиш учун машҳур бўлиш, ёки бой-бадавлат бўлиш шарт эканми? Узоққа борманг, мана Ўзбекистонда ҳозир айни тўй мавсуми. Ўтган йил ёзда Тошкентга борганимда синглим ўғлини суннат тўйини қилиши ҳақида айтиб қолди. Куёвимиз “нима бўлса бўлсину, мен Тошкентдан фалон қўшиқчини олиб келаман”, деб туриб олибди. Ўша “фалон” қўшиқчи менинг дугоналаримдан бўлгани учун у билан гаплашиб беришни илтимос қилишди. Майли, ният қилгандир, қолаверса, куёвнинг топиш-тутиши ёмонмас, деган хаёл билан қўшиқчи дугонамга қўнғироқ қилдим. У ёқ- бу ёқдан гаплашиб, “илтимосим”ни айтдим. Бораман дейишдан олдин, гап қўшиқларни ёзиш қанчалар қимматлиги, ундан кейин уни телевизору-радиодан қўйишга қанча пул кетиши, ҳамма жойда “пул-пул”, қолаверса, қўшиқчилар учун ҳам тобора рақобатлашув кучайиб пул топиш қанчалар қийин бўлиб кетаётгани ҳақида борди. Хуллас, дугонам 1500, жуда бўлмаса 1200 доллар билан боришга рози бўлди. Бу энг арзон нарх эканини айтди.Майли уни ҳам тушинаман. Мен “каттароқ санъаткорлар” 10000, 20000 билан тўйга боришлари ҳақида ҳам эшитгандим-ку, аммо…ҳа майли. Нима бўлса, бўлди дедиму, синглимга нархни айтдим. Тўйга қолиш менга насиб этмади. Бу ёқда ишга чиқишим керак деган узримни айтиб ортга қайтдим. Кейин эшитдим, тўйга дугонам бормабди, белгиланган кун бошқа муҳимроқ “закази” бор экан. У бўлмаса ҳам сал бундоқроқ санъаткорлар келиб тўйда хизмат қилишибди. Аммо, қўшиқчини шунча пулга олиб келишса, 400-500 дан ортиқ меҳмонни кутиб олиш учун бошқа харажатлар қанчага тушишини тасаввур қилиб кўрингчи! Қўшиқчи Тошкентдан келган “фалончи” бўлмаса ҳам, сарпо-сурув, келин олаётган, ё-да қиз чиқараётган бўлсангиз унинг сепичи? Бу оддийроқ оила мисолида. Онамнинг айтишларича, ҳозир Россияга бориб ишлаб келаётганларнинг уйланишу, ўғил тўйларига гап йўқ эмиш. Энди биргина туманимизни оладиган бўлсак, пул топай деб Россияга кетганларни ҳар бир оиладан дейиш мумкин. Айримларнинг оиласида эркак қолмаган. Бугун уйланиш тўйини ўтказиб, эртага қарзни узай деб ёшгина келинчакни уйда қолдириб “Россия қайдасан” деб йўлга тушаётганлар ҳақида ҳам эшитасиз. Қарабсизки, келгунича, фарзанди туғилиб, баъзи ҳолларда эса, тили ҳам чиқиб улгуради. Шунча узоқ йўлдан келиб-кетиш осон эканми? Қариндош-уруғ ҳам кўп худога шукур,уларга совға-салом. Бу ёқда келин боланинг сепидаги қатор-қатор кийимлари ҳам тўзиб, тўзимаса-да, урфдан қолиб ўтирган бўлса…Ундан ташқари тилла таққиси келади. Фарзанд ўғил бўлса-чи? Ҳа,энди буёғи яна тўйда дейсизми? Қарабсизки, кўп ўтмай эр шўрлик йўл пулини қарз-қавола қилиб Русия томонларга отланиб турибди… Онамга гап уқтира олмайсиз, “тўйга етказсин болам, тўй яхшида” дейдилар. Анъана дейсиз, бировдан кам бўлмасин, ўксимасин дейсиз…ахир охири кимга жабр? Куррамизнинг нариги бурчагида ҳам тўй тадориги….Ўзбекча карнай-сурнай бўлмаса-да, келинчак Никол умид билан яна бир инсонга тақдирини боғлайди. Ҳарқалай, бу тўй қарз-қаволадан ҳоли бўлади деб ишонаман…Келин-куёвнинг бир-бирларига қанчалар кўнгил қўйганлари эса, бошқа бир мавзу. Ахир Никол хоним яқиндагина ҳали ҳам собиқ эри Том Крузни севиши ҳақида айтганди-да! Бахтли бўлишсин ишқилиб! __Дийдор
Анжелина Жоли билан Брэд Питтнинг қизчасининг расмлари June 9, 2006
Posted by ayollar in Yulduzlar Hayotidan.add a comment
(расмни катталаштириш учун унга босинг) Юлдузлар хаётига қарашли шу хафтанинг энг катта янгилиги бу Брэд Питтнинг ва Анжелина Жолининг яқинда туғилган чақалоқ қизчаларининг расмларини англиянинг Hello ! журналига сотишлари бўлди. Икки кино юлдузнинг қизи Шило Нувел 27нчи май куни жанубий Африкада жойлашган Намибия давлатида туғилди. Hello журнали расмларни биринчи бўлиб чоп этиш хуқуқи учун бир неча миллион доллар тўлагани хақида айтилмоқда. Брэд Питт билан Анжелина Жоли расмлардан тушган пулни Африка давлатларидаги етим ва оч қолган болаларга сарфлашларини таъкидлашган. Қўшма баёнотда улар “биз қизалоғимизнинг соғ омон туғилишидан ўзимизни бахтиёр сезган бир пайт, ривожланаётган мамлакатларда хар йили икки миллион бола хаётларининг биринчи кунидаёқ вафот этишидан хабардормиз ва биз шундай омадсиз фарзандларга ёрдам беришни истаймиз” деб айтишган. Бундан олдин Анжелина билан Брэд Намибиядаги икки касалхонага янги асбоб жиҳозлар сотиб олиш мақсадида 300 минг доллар тақдим этишларини эълон қилишган эди. Асбоб жиҳозлар янги туғилган чақалоқларни даволаниши учун мўлжалланган. Қани энди хамма юлдузлару бадавлат инсонлар шундай қилишса… Балки унда қашшоқлик хам болалар ўлими хам камаярмиди. Шило Нувелдан ташқари Анжелина билан Брэтда яна икки фарзанди бор, иккаласи ҳам етимхоналардан олинган. Биттаси Камбодияда туғилган 5 ёшлик бола Маддокс, иккинчиси эса эфиопиялик 16 ойлик қизча Захара. Бу ҳақда мана бу сахифада батафсилроқ маълумот ва қўшимча расмлар топа оласиз.__Шоира
